“Реал Мадрид” ва Франция терма жамоаси ҳужумчиси Килиан Мбаппе дам олган Швеция пойтахти Стокгольм шаҳридаги меҳмонхона тинтув қилинди. Бу ҳақда RMC Sport интернет нашри Швеция матбуотига таяниб хабар берди.
Қайд этилишича, қидирувдан ташқари муассаса ходимлари ҳам сўроқ қилинган. Авалроқ Мбаппе Стокгольмга сафари чоғида зиёфатда қатнашгани маълум бўлганди. Шунингдек, Килиан зўравонликда айбланаётгани хабар қилинганди.
Футболчи “Реал”га жинсий зўравонлик бўйича айбловлар ортида “ПСЖ” турганини айтиб ўтганди.
Мбаппе ўтган ёзда “Реал”га ўтди. Бу даврда франциялик футболчи барча турнирларда 11 та учрашувда иштирок этиб, 7 та гол ва битта голли узатмага муаллифлик қилган. Футболчининг клуб билан амалдаги меҳнат шартномаси 2029 йилнинг ёзига қадар амал қилади.
Изоҳ (0)