“PSJ” hujumchisi Kilian Mbappe 2024-yilda Parijda bo‘lib o‘tadigan Olimpiada o‘yinlari uchun Fransiya terma jamoasi qaydnomasiga kiritilmadi.
Fransiya U-21 terma jamoasi bosh murabbiyi Tyerri Anri nima sababdan “PSJ” hujumchisi Kilian Mbappeni terma jamoaning 2024-yilgi Olimpiada uchun futbolchilar ro‘yxatiga kiritmaganini tushuntirdi.
“Men gaplashgan odamlar gapni qisqa qildi. Oxirgi marta men universitetda shuncha bor rad javobini olganman. Hech qanday muzokaralar bo‘lmadi. Siz borasiz so‘raysiz, ular sizga “yo‘q” deydi va siz ketasiz”, — deya Anri so‘zlarini keltiradi jurnalist Dani Gil X (sobiq Twitter) ijtimoiy tarmog‘ida.
2024-yilgi yozgi Olimpiya o‘yinlari 2024-yilning 26-iyulidan 11-avgustiga qadar bo‘lib o‘tadi. Avvalroq “Real Madrid” Mbappe transferini yaqin orada e’lon qilishi haqida ma’lumot paydo bo‘lgandi. O‘tgan mavsumda fransiyalik hujumchi 48 ta o‘yin o‘tkazib, 44 ta gol urdi va 10 ta golli uzatmani amalga oshirdi.
Nufuzli Transfermarkt internet-portali fransiyalik forvardning bozor qiymatini 180 million yevroga baholagan, Madridning “Real” klubi Ispaniya chempionligini qo‘lga kiritda va Chempionlar Ligasi finalida Dortmundning “Borussiya” klubini mag‘lub etgandi.
Eslatib o‘tamiz, Fransiya terma jamoasi tarkibida Kilian Mbappe 2018-yilda Jahon chempioniga aylangandi. Hujumchi Fransiya terma jamoasining Millatlar Ligasida g‘olib chiqishiga ham yordam bergan.
Izoh (0)