Madridning “Real” klubi matbuot xizmati o‘ng qanot himoyachisi Lukas Vaskes bilan shartnomani uzaytirganini ma’lum qildi.
33 yoshli ispaniyalik futbolchi yana bir mavsumni Madrid klubida o‘tkazadi.
Vaskes “Real Madrid” tarbiyalanuvchisi bo‘lib, 2010-yildan buyon klubda professional tarzda o‘ynamoqda.
2023—24-yilgi mavsumda Vaskes “Real”ning barcha turnirlar doirasidagi 38 ta uchrashuvida qatnashib, 3 ta gol urdi va 8 ta golli uzatmani amalga oshirdi.
Avvalroq “PSJ”ning marokashlik himoyachisi Ashraf Hakimi jamoaning muhim bo‘lagi ekanligini tushunib, “qirollik klubi”ga qaytish taklifini rad etgani haqida xabar berilgan edi.
“Real” klubi ushbu transfer oynasida ko‘p yillardan beri ta’kidlab kelinayotgan Mbappe transferini e’lon qildi.
Ma’lumot uchun, La Liganing birinchi tur uchrashuvlari 15-avgustga belgilangan.
Izoh (0)