Fransiyaning Parij klubi sobiq futbolchisi Kilian Mbappega Fransiya Professional Futbol Ligasi (LFP) talabiga ko‘ra, 55 million yevro miqdoridagi qarzini to‘lashdan bosh tortdi.
-GjNHzpPe.webp)
Avvalroq 25 yoshli fransiyalik futbolchi LFP va Yevropa futbol assotsiatsiyalari ittifoqiga (UEFA) murojaat qilib, sobiq jamoasidan ushbu summani undirish talabi bilan chiqqani xabar qilingandi. Bu summaga imzolangan bonusning uchdan bir qismi (36 million), shartnomaning oxirgi uch oylik maoshi va qolgan bonuslar kiritilgan. Payshanba kuni LFP yuridik qo‘mitasi “PSJ”ga Mbappening 55 million yevrolik qarzini sakkiz kun ichida to‘lashni buyurdi.
“Ushbu masala bo‘yicha qaror qabul qilgan komissiyaning qonuniy vakolatlari cheklanganligini inobatga olgan holda, ish boshqa yurisdiksiyada ko‘rib chiqilishi kerak”, deyiladi klub bayonotida.
Ma’lumot uchun, Madridning “Real” klubi 3-iyun kuni Mbappe bilan 5 yillik shartnoma imzolaganini e’lon qildi. Hujumchi ispan klubiga erkin agent sifatida o‘tdi. Joriy mavsumda fransiyalik futbolchi “Real” safida 5 ta o‘yinda maydonga tushib, 3 ta gol urishga erishdi.
Izoh (0)