Yevropada kvartira ijarasi eng qimmat shahar London deb topildi. U yerda o‘rtacha ijara narxi rekord darajaga (2 694 funt sterling yoki 3 220 dollar) yetdi. Bu ko‘rsatkich o‘tgan yilning shu davriga nisbatan 2,5 foizga oshgan.
Bu haqda 2024-yil iyul—sentyabr oylarida Yevropaning 20 dan ortiq yetakchi shaharlaridagi ijara narxlarini tahlil qilgan Euronews Travel xabar bermoqda.
Germaniyaning Statista kompaniyasi maʼlumotlariga ko‘ra, reytingda ikkinchi o‘rinni Niderlandiya poytaxti Amsterdam egalladi. U yerda o‘rtacha kvartira ijarasi narxi 2 275 yevroni tashkil qiladi. Undan keyingi o‘rinda Italiya poytaxti Rim turadi. Bu yerda o‘rtacha ijara narxi 2 ming yevro.
2024-yilda Yevropaning kvartira ijarasi eng qimmat bo‘lgan 7 ta shahri:
1. London, Buyuk Britaniya (3220 yevro);
2. Amsterdam, Niderlandiya (2275 yevro);
3. Rim, Italiya (2000 yevro);
4. Parij, Fransiya (1862 yevro);
5. Rotterdam, Niderlandiya (1795 yevro);
6. Gaaga, Niderlandiya (1790 yevro);
7. Myunxen, Germaniya (1770 yevro).
Ijara narxi eng past bo‘lgan Yevropa shaharlari Budapesht (Vengriya), Afina (Gretsiya) va Turin (Italiya) bo‘ldi. Bu yerda ijara narxlari mos ravishda oyiga 950, 1 000 va 1 100 yevro.
Avvalroq ekspertlar migrantlar uchun dunyodagi eng qimmat va arzon shaharlarni aniqlagan edi. Ma’lum bo‘lishicha, yashash uchun eng qimmat shahar Gonkong, eng arzoni esa Nigeriyaning Abuja shahri.
Izoh (0)