“Chelsi” yarim himoyachisi Koul Palmer Londonning qaysi afsonasi bilan birga o‘ynashni xohlashi haqida fikr bildirdi.
Agar menda “Chelsi”ning bitta afsonasi bilan o‘ynash imkoni bo‘lsa, albatta, Eden Azarni tanlagan bo‘lardim. To‘g‘ri, bizning o‘yin uslubimiz farq qiladi, ammo men ham Azar kabi chiroyli, muxlislarga yoqadigan o‘yin ko‘rsatgim keladi, — deya Palmerning so‘zlarini keltiradi italiyalik sport jurnalisti Fabritsio Romano X ijtimoiy tarmog‘idagi (sobiq Twitter) sahifasida.
Ma’lumot uchun, Azar 2023-yilda faoliyatini yakunlashini e’lon qilgandi. Belgiyalik futbolchi 2012-yildan 2019-yilgacha “Chelsi”da o‘ynagan. London klubi tarkibida Azar 2015 va 2017-yillarda ikki marta Angliya chempioni bo‘lgan, 2013 va 2019-yillarda Yevropa Ligasida g‘olib chiqqan va 2018-yilda bir marta Angliya kubogini qo‘lga kiritgan.
22 yoshli Palmer “Manchester Siti”dan London klubiga ko‘chib o‘tdi. U “Chelsi” safida 38 ta o‘yinda qatnashdi va 24 ta gol urishga erishdi.
Izoh (0)