Fransiyalik hujumchi Tyerri Anri Goal.com portali talqiniga ko‘ra “Arsenal” klubining XXI asrdagi eng yaxshi futbolchisi deb topildi.
Reytingda ikkinchi o‘rinni gollandiyalik hujumchi Dennis Bergkamp egallagan. Uchinchi o‘rinda fransiyalik Patrik Vieyra joylashgan. To‘rtinchi o‘rinni yana bir fransuz Robert Pires egalladi. Kuchli beshlikni esa shved yarim himoyachisi Fredrik Lyungberg egalladi.
E’tiborli jihati, barcha futbolchilar 2003—2004-yilgi mavsumda “Arsenal” safida to‘p surgan. O‘sha mavsumda “kanonirlar” birorta o‘yinda mag‘lubiyatga uchramay, Angliya chempionligini qo‘lga kiritgan.
Tyerri Anri 1999—2007-yillar davomida “Arsenal”da o‘ynagan. Fransiyalik hujumchi London klubi safida 250 dan ortiq gol urgan. Anri klub bilan yettita sovrinni qo‘lga kiritgan. Ular orasida ikkitasi APL g‘olibligi hisoblanadi.
Izoh (0)