Shaxmat bo‘yicha Global Chess League 2024 musobaqasi bo‘lib o‘tdi.
3—12-oktyabr kunlari Buyuk Britaniyaning London shahrida bo‘lib o‘tgan turnirda dunyoning eng kuchli shaxmatchilari qatnashdi. Ushbu musobaqada Nodirbek Abdusattorov va Javohir Sindorov turli jamoalarda qatnashdi va yakunda tarkibida Javohir Sindorov bo‘lgan Triveni Continental Kings jamoasi g‘oliblikni qo‘lga kiritdi. 10 tur davom etgan bahslardan so‘ng ikki jamoa finalga yo‘l oldi.
Qiziqarlisi, Nodirbek Abdusattorov va Javohir Sindorov jamoalari finalda o‘zaro to‘qnashdi.
7:13 hisobida yakunlangan ushbu bahsda Alaskan Knights jamoasi mag‘lubiyatga uchradi va turnirda ikkinchi o‘rinni egallab 250 ming AQSH dollari miqdoridagi pul mukofoti sovrindori bo‘ldi.
Triveni Continental Kings jamoasi 500 ming AQSH dollarini qo‘lga kiritdi.
Izoh (0)