AQSH prezidenti Jo Bayden kelayotgan qish mavsumi Ukraina uchun qiyin bo‘lishini aytib, ittifoqchilar mamlakatni yordamsiz qoldirmasligi kerakligini ta’kidladi.
Bu haqda u Germaniyaga tashrifi chog‘ida qilgan chiqishida ma’lum qildi.
“Qish qiyin bo‘ladi, lekin biz taslim bo'la olmaymiz, Ukraina BMT nizomi qoidalariga mos keladigan aniq va mustahkam tinchlikka erishmaguncha, biz yordamni davom ettirishimiz kerak”, dedi Bayden Berlinda.
U Germaniya hukumatiga Ukrainaga yordam bergani uchun minnatdorchilik bildirdi.
Bundan tashqari, Oq uy matbuot xizmati xabariga ko‘ra, Bayden Germaniya prezidenti Frank-Valter Shtaynmayer bilan Ukrainaga yordam ko‘rsatish va Yaqin Sharqdagi vaziyatni yumshatish bo‘yicha qo‘shma harakatlarni muhokama qilgan.
Bayden Germaniya kansleri Olaf Shols, Fransiya prezidenti Emmanuel Makron va Buyuk Britaniya bosh vaziri Key Starmer bilan Ukraina va Yaqin Sharq masalalarini muhokama qilish uchun Germaniyaga tashrif buyurgan.
Izoh (0)