AQSH sobiq rahbari Donald Tramp Ukraina prezidenti Vladimir Zelenskiyni keskin tanqid qilib, qayta saylangan taqdirda urushni tugatishini yana bir bor aytdi. Bu haqda Forbes xabar berdi.
Zelenskiy har safar Qo‘shma Shtatlarga kelganida u 100 milliard dollar bilan qaytib ketadi, menimcha, u Yer yuzidagi eng zo‘r savdogardir, dedi u.
Tramp, shuningdek, Ukraina urushda g‘alaba qozonishiga shubha bildirdi va Rossiyaning harbiy salohiyatini maqtadi.
Ular Gitlerni mag‘lub etishdi, ular Napoleonni mag‘lub etishdi — ular shunday qilishadi, jang qilishadi”, dedi sobiq prezident.
Siyosatchi amaldagi prezident Jo Bayden va prezidentlikka nomzod Kamala Harrisni AQSHni Ukrainadagi urushga jalb qilganlikda aybladi.
Bayden va Kamala bizni bu urushiga boshlab kirdi, endi esa undan chiqara olmayapti. Ular bizni bu urushdan chiqarishga ojiz. Menimcha, prezident bo‘lmasam, biz bu urushga botib qolamiz. Men buni hal qilaman. Muzokara olib borib, bizni undan olib chiqaman. Biz bu urushdan chiqishimiz shart. Bayden: “G‘alaba qozonmagunicha ketmaymiz”, deyapti. Xo‘sh, agar ular g‘alaba qozonsa nima bo‘ladi? Biz 3 yil ichida allaqachon milliardlab mablag‘ sarf qildik, dedi u.
Izoh (0)