Bayden “Milton” to‘foni keltirgan zararni 50 mlrd dollarga baholadi

Floridani qamrab olgan “Milton” to‘fonidan ko‘rilgan zarar taxminiy hisob-kitoblarga ko‘ra 50 milliard dollarga baholanmoqda.

Bu haqda AQSh prezidenti Jo Baydenning Oq uy matbuot xizmati tarqatgan bayonotida aytilgan.

Davlat rahbarining qayd etishicha, bu oxirgi uch oy ichida Florida shtatida sodir bo‘lgan uchinchi yirik to‘fondir.

Baydenning ta’kidlashicha, bular ekspertlarning dastlabki hisob-kitoblari va zararning yakuniy miqdori 50 milliard dollardan ko‘proq yoki kamroq bo‘lishi mumkin, prezident, shuningdek, tabiiy ofatdan jabr ko‘rganlarga hamdardlik bildirdi va amerikaliklar o‘z uylariga qaytishlari uchun hamma narsani qilishga va’da berdi. 

9-oktyabr kuni Florida shtatiga “Milton” to‘foni yopirilgan. Uning maksimal tezligi soatiga 160 km dan oshdi. U 125 ga yaqin uyni vayron qildi va elektr taʼminotida keng miqyosda uzilishlarga sabab bo‘ldi, 2,6 milliondan ortiq odam elektr energiyasiz qoldi. Tabiiy ofat arafasida 5 milliondan ortiq odam evakuatsiya qilingan.

Oxirgi ma’lumotlarga ko‘ra, tabiiy ofat oqibatida 16 kishi halok bo‘lgan.