АҚШ президенти Жо Байден келаётган қиш мавсуми Украина учун қийин бўлишини айтиб, иттифоқчилар мамлакатни ёрдамсиз қолдирмаслиги кераклигини таъкидлади.
Бу ҳақда у Германияга ташрифи чоғида қилган чиқишида маълум қилди.
“Қиш қийин бўлади, лекин биз таслим бўла олмаймиз, Украина БМТ низоми қоидаларига мос келадиган аниқ ва мустаҳкам тинчликка эришмагунча, биз ёрдамни давом эттиришимиз керак”, деди Байден Берлинда.
У Германия ҳукуматига Украинага ёрдам бергани учун миннатдорчилик билдирди.
Бундан ташқари, Оқ уй матбуот хизмати хабарига кўра, Байден Германия президенти Франк-Валтер Штайнмайер билан Украинага ёрдам кўрсатиш ва Яқин Шарқдаги вазиятни юмшатиш бўйича қўшма ҳаракатларни муҳокама қилган.
Байден Германия канцлери Олаф Шольц, Франция президенти Эммануэл Макрон ва Буюк Британия бош вазири Кей Стармер билан Украина ва Яқин Шарқ масалаларини муҳокама қилиш учун Германияга ташриф буюрган.
Изоҳ (0)