Instagram ijtimoiy tarmog‘ida yosh bolalarning bloglari tobora ommalashmoqda. 3-5 yoshli bolakaylar ijtimoiy tarmoqning haqiqiy yulduziga aylanmoqda. Ular bloglaridagi reklamadan yaxshigina daromad ham ko‘rmoqda.
Xususan, Yasmin Zoitova, Sora va Shahzoda kabi qizaloqlar nafaqat bir necha yuz minglab folloverlar, balki reklama beruvchilar e’tiborini ham jalb etmoqda.
Ma’lum bo‘lishicha, xonandalar Shirin va Nodir Zoitovlarning qizi Yasminning 774 ming obunachisi bo‘lgan sahifasiga reklama postini joylash narxi 3 ming dollarni tashkil etadi.
Soraning 341 ming kishi kuzatadigan sahifasiga 1000 dollar, Shahrizodaning 193 ming folloveri bo‘lgan blogiga 200 dollar evaziga reklama joylashtirish mumkin.
Qizaloqlarning sahifasida Stories’ga reklama joylash narxi esa 100 dollardan 500 dollargacha narxlanadi. Ularning sahifasida bunday reklamalardan bir kunda 2-3 tasini ko‘rish mumkin.
Instagram’ning jajji yulduzlari shu paytgacha ota-onasi bilan dunyoning ko‘plab mamlakatlariga sayohatga chiqqan.
Izoh (0)