Yevropa Ittifoqi Ukrainaga harbiy instruktorlarni yuborish imkoniyatini muhokama qilmoqda.
El Pais nashriga ko‘ra, Yevropa Ittifoqi Ukrainani qo‘llab-quvvatlash siyosatida “sakrash” qilishni rejalashtirmoqda. Xosep Borrel raisligidagi Yevropa diplomatik xizmati Ukrainaning havo hujumidan mudofaa tizimini mustahkamlash va ilg‘or qurollarni xarid qilish uchun ajratiladigan mablag‘ni oshirishga yordam bermoqchi.
“Bu yordam raketalar va jangovar samolyotlarni yetkazib berishdan iborat”, — deyiladi diplomatik xizmat hujjatida.
Bundan tashqari, YI hozirda Germaniya va Polshada joylashgan harbiy bazalarda Ukraina qo‘shinlarini tayyorlash bo‘yicha Yevropa missiyasini kengaytirmoqchi. Vaziyat imkon bersa, mazkur bazani ham Ukrainaga ko‘chirish rejalashtirilgan.
Diplomatik xizmat hujjatida Ukraina oldidagi “xavfsizlik majburiyatlari” ham ko‘rsatilgan. Yevropa Ittifoqi Ukraina armiyasi tomonidan olingan uskunalarni ta’mirlash, minalardan tozalash, gibrid tahdidlar, dezinformatsiyaga qarshi kurashish uchun kiberxavfsizlikni qo‘llab-quvvatlashda yordamni kuchaytirmoqchi.
Yaqinda Ukraina Qurolli kuchlarining harbiy xizmatchilari Germaniyada Abrams tanklarini boshqarish bo‘yicha o‘qitila boshlandi. U yerga 400 kishi yuborildi, ular ikki guruhga bo‘lingan.
Shvetsiya esa ukrainalik uchuvchilarga JAS 39 Gripen samolyotini qanday boshqarishni o‘rgatadi. Buyuk Britaniyada F-16 qiruvchi samolyotlarini boshqarish bo‘yicha mashg‘ulotlar boshlanishi kutilmoqda.
Izoh (0)