Ukraina Kanadadan 400 million Kanada dollari (290,5 million dollar) miqdorida qo‘shimcha kredit oladi. Bu haqda Ukraina Moliya vazirligi saytida xabar berildi.
“Bugun, 11-oktyabr kuni Ukraina moliya vaziri Sergey Marchenko Kanada hukumati bilan 400 million Kanada dollari miqdorida qo‘shimcha kredit olish bo‘yicha to‘rtinchi qo‘shimcha kelishuvni imzoladi”, deyiladi matnda.
U 10 yil muddatga beriladi, foiz stavkasi yiliga 1,5 foiz. Imtiyozli davr — mablag‘lar olingan kundan boshlab 4,5 yil.
Sergey Marchenkoning taʼkidlashicha, “Kanada Ukrainani qo‘llab-quvvatlash bo‘yicha yetakchilardan biri bo‘lib, 2022-yilning fevral oyidan buyon 5 milliard dollardan ortiq mablag‘ni mamlakatga yo‘naltirgan”.
Izoh (0)