2022-yilning o‘tgan uch oyi davomida O‘zbekistonning 3 ta viloyatida umumiy quvvati 684 MVt bo‘lgan 3 ta yangi issiqlik elektr stansiyasi ishga tushirildi, deb xabar beradi Energetik vazirligi.
Xususan:
- 11-yanvar kuni Buxoro viloyatining Buxoro tumanida quvvati 270 MVt bo‘lgan gaz-porshenli issiqlik elektr stansiyasi;
- 14-yanvar kuni Toshkent viloyatining Qibray tumanida quvvati 240 MVt bo‘lgan bug‘-gaz qurilmasi;
- 10-mart kuni Xorazm viloyatining Yangiariq tumanida quvvati 174 MVt bo‘lgan yangi issiqlik elektr stansiyasi ishga tushirilgan.
Tejalgan tabiiy gaz hisobiga qo‘shimcha 2 milliard 700 million kilovatt/soat elektr energiyasi ishlab chiqarish imkoni yaratiladi.
Ma’lumot uchun, mart oyi yakuniga qadar Toshkent viloyatining Qibray tumanida quvvati 230 MVt bo‘lgan navbatdagi, ya’ni to‘rtinchi yangi issiqlik elektr stansiyasi ishga tushiriladi.
Avvalroq O‘zbekistonda 2022-yilda umumiy quvvati 1474 megavatt bo‘lgan issiqlik va quyosh fotoelektr stansiyalari ishga tushirilishi, Shavkat Mirziyoyev Qoraqalpog‘istonda shamol elektr stansiyasi qurilishiga tamal toshini qo‘ygani to‘g‘risida xabar berilgandi.
Izoh (0)