Bugun,

  • USD 10920.28
  • RUB 177.49
  • EUR 11052.42

14-yanvar kuni soat 11:15 da Toshkent viloyatining Qibray tumanida Turkiyaning Aksa Enerji kompaniyasi tomonidan qurilgan bug‘-gaz elektr stansiyasi O‘zbekistonning yagona elektr tarmog‘iga quvvat uzatishni boshladi.

Foto: Energetika vazirligi matbuot xizmati

Energetika vazirligi matbuot xizmatining xabar berishicha, quvvati 240 MVt bo‘lgan ushbu issiqlik elektr stansiyasi yiliga 2 milliard kilovatt-soat elektr energiyasi ishlab chiqaradi.

Qurilmalarning foydali ish koefitsiyenti yuqoriligi hisobiga, yiliga 290 million metr kub tabiiy gaz tejaladi. Tejalgan tabiiy gaz hisobiga qo‘shimcha 1 milliard kilovatt-soat elektr energiyasi ishlab chiqarish imkoni yaratiladi.

Umumiy qiymati 150 million dollarga teng bo‘lgan mazkur loyiha Turkiyaning Aksa Enerji kompaniyasi tomonidan to‘g‘ridan-to‘g‘ri investitsiyalar hisobiga amalga oshirildi.

Mazkur elektr stansiya Aksa Enerji kompaniyasi tomonidan respublikada ishga tushirilgan ikkinchi IES hisoblanib, birinchisi 11-yanvar kuni Buxoro viloyatida (quvvati 270 MVt) ishga tushirilgan edi.

Eslatib o‘tamiz, 2021-yilning 4-martida imzolangan prezident qaroriga ko‘ra, Toshkent viloyatida quvvati 240 MVt bo‘lgan bug‘-gaz elektr stansiyasi va quvvati 230 MVt bo‘lgan gaz-porshenli elektr stansiyasini qurish hamda Buxoro viloyatida quvvati 270 MVt bo‘lgan gaz-porshenli elektr stansiyasini qurish belgilangan.

Izoh
Asosiy yangiliklar
Dunyo
Argentinada ish haqini oshirish talabi bilan ommaviy namoyishlar bo‘lib o‘tmoqda (foto)
Mahalliy
“Avtomobillarga gazni belgilangan miqdordan ortiq quyish holatlariga bir necha bor guvoh bo‘ldik” —  senator
Dunyo
Braziliya prezidenti Jair Bolsonaru bloger bilan mushtlashdi (video)