2022 йилнинг ўтган уч ойи давомида Ўзбекистоннинг 3 та вилоятида умумий қуввати 684 МВт бўлган 3 та янги иссиқлик электр станцияси ишга туширилди, деб хабар беради Энергетик вазирлиги.
Хусусан:
- 11 январь куни Бухоро вилоятининг Бухоро туманида қуввати 270 МВт бўлган газ-поршенли иссиқлик электр станцияси;
- 14 январь куни Тошкент вилоятининг Қибрай туманида қуввати 240 МВт бўлган буғ-газ қурилмаси;
- 10 март куни Хоразм вилоятининг Янгиариқ туманида қуввати 174 МВт бўлган янги иссиқлик электр станцияси ишга туширилган.
Тежалган табиий газ ҳисобига қўшимча 2 миллиард 700 миллион киловатт/соат электр энергияси ишлаб чиқариш имкони яратилади.
Маълумот учун, март ойи якунига қадар Тошкент вилоятининг Қибрай туманида қуввати 230 МВт бўлган навбатдаги, яъни тўртинчи янги иссиқлик электр станцияси ишга туширилади.
Аввалроқ Ўзбекистонда 2022 йилда умумий қуввати 1474 мегаватт бўлган иссиқлик ва қуёш фотоэлектр станциялари ишга туширилиши, Шавкат Мирзиёев Қорақалпоғистонда шамол электр станцияси қурилишига тамал тошини қўйгани тўғрисида хабар берилганди.
Изоҳ (0)