Нозик таъмни қадрловчилар учун ажойиб чизкейк рецепти

Мазкур рецепт билан тайёрланган чизкейк нозик таъми билан сизга манзур бўлади. Шакли бузилмаслиги учун яхшиси уни чашкада тайёрлаган маъқул.

Керакли маҳсулотлар:

• сметана — 150 г;
• творогли пишлоқ —150 + 50 г;
• тухум — 1 та;
• шакар — 75 + 50г;
• қаймоқ (35%) — 50 + 50 г;
• заранг шираси — 1 чой қошиқ;
• майдаланган шоколад — 1 чой қошиқ.

1. Идишга қаймоқни солиб, унга сметана қўшинг.
2. Сўнгра шакар (75 г), творогли пишлоқ (150 г) ва тухум солинг.
3. Барча маҳсулотларни миксерланг.
4. Массага заранг ширасини ҳам қўшиб аралаштиринг.
5. Аралашмани чашкага солиб, 140 даража қиздирилган печга 20 дақиқага қўйинг.
6. Креми учун: творогли пишлоқ қўшилган қаймоққа шакар солиб, оппоқ бўлгунча кўпиртиринг.
7. Кремни қандолат қопчасига солиб, совиган чизкейк устини безанг.
8. Жараён сўнгида чизкейк юзасига майдаланган шоколад сепинг.