“Navoiy viloyatining Tomdi tumanidagi 21-maktab ‘avariyniy’ning ham ‘avariyniy’ ahvolida” , — deya so‘zlab berdi O‘zLiDeP press klubida ushbu hududdan Oliy Majlisga saylangan deputat Aqshagul Tulegenova.
“Navoiy viloyatining Tomdi, Uchquduq, Konimex va Zarafshon okrugidan saylangan deputatman. Ta’lim sohasini yaxshi tushunaman. Eski Tomdi ovulidagi 21-maktab ‘avariyniy’ emas ‘avariyniy’ning ham ‘avariyniy’ holatida.
U maktabga kirdimda, jonim shirinlik qilib, yo‘lagidan qaytdim. Uyog‘iga o‘tmadim. Ustimga qulab tushishidan qo‘rqdim.
Nimaga shunday maktablar investitsiya dasturiga kiritilmaydi-da, sharoiti o‘rtacha, yana bir ikki yil foydalansa bo‘ladigan maktablar dasturga kiritiladi?
Buning bitta sababi bor, sharoiti o‘rtacha maktab shundan 5 yil oldin ham remontdan o‘tgan maktab bu yil ham nari borsa 500 million so‘m bilan o‘tadi.
21-maktab esa ta’mirlanmaydi, uni o‘rniga faqat yangi maktab qurish kerak. U maktabni rekonstruksiya qilib bo‘lmaydi. Faqat yangi maktab qurish kerak”, – deydi deputat Aqshagul Tulegenova.
Avvalroq Qashqadaryoda 1972-yilda qurilgan shiypon maktabda o‘qiyotgan o‘quvchilar, Farg‘onada ta’mirlash uchun davlat dasturini kutayotgan qarovsiz maktab haqida xabar berilgandi.Shuningdek, Sherzod Shermatov internetda muhokamalarga sabab bo‘layotgan achinarli ahvoldagi sinfxonalar bo‘yicha munosabat bildirgan edi.
Eslatib o‘tamiz, 2020-yil oxirida Shavkat Mirziyoyev “2021–2023-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qarorni imzolagan edi. Mazkur qarorga ko‘ra, mamlakatda yana 22 ta bog‘cha, 31 ta maktab va 16 ta OTM qurilishi belgilangan.
Mavzuga doir:
Izoh (0)