“Yuventus” hujumchisi Dushan Vlahovich yozgi transfer oynasi yakuniga qadar klubni tark etishi mumkin. Bu haqda La Gazzetta dello Sport nashri xabar berdi.

Manbaga ko‘ra, serbiyalik futbolchiga Angliyaning “Nyukasl Yunayted” hamda Ispaniyaning “Barselona” klublari jiddiy qiziqish bildirmoqda. Turin klubi esa futbolchini qo‘yib yuborishga tayyor. Bunga sabab sifatida “Yuventus” yozgi transfer oynasi vaqtida Kanada terma jamoasi hujumchisi Jonatan Devidni xarid qilgani hamda Vlahovichning yillik 12 million yevroga teng maoshi ko‘rsatilmoqda. Shu bois, turinliklar uning transferidan mablag‘ ishlab topish va byudjet xarajatlarini qisqartirishni rejalashtirmoqda.
Avvalroq Vlahovichga “Milan” klubi ham qiziqish bildirgan edi, biroq “rossonerilar” “Yuventus” bilan muzokara o‘tkazishni istamadi. “Nyukasl” esa futbolchining atrofidagi vaziyatni diqqat bilan kuztib turibdi, ammo insayderlarga ko‘ra, transfer oynasi yopilguniga qadar ingliz klubi ubu transferni amalga oshira olmaydi.
Shu bilan birga, “Barselona” ham futbolchini uzoq vaqtdan beri kuzatib kelmoqda. Kataloniyaliklar o‘tgan mavsumda ham Vlahovichni sotib olishga harakat qilgan, biroq moliyaviy muammolar sababli bu reja amalga oshmagan edi. La Gazzetta dello Sport xabariga ko‘ra, “ko‘k-anorranglilar” hujumchining transferi borasida muzokaralarni boshlashga tayyorlanmoqda.
Izoh (0)