Farg‘onada dugonasining sir saqlanishi lozim bo‘lgan foto va videolarini uning turmush o‘rtog‘iga ko‘rsatish orqali qo‘rqitib, pul talab qilgan qiz qo‘lga olindi, deb xabar beradi Tergov departamenti.
Ma’lumotlarga ko‘ra, 20-fevral kuni Farg‘ona shahar IIO FMB boshlig‘i nomiga 23 yoshli M.F. ariza bilan murojaat qilgan. Arizada ayolning 23 yoshli Z.Q. ismli dugonasi sir saqlanishi lozim bo‘lgan foto va videotasvirlarni uning turmush o‘rtog‘iga ko‘rsatmasligi evaziga 1500 dollar talab qilayotgani qayd etilgan.
Murojaat yuzasidan o‘tkazilgan tezkor-tadbir davomida Farg‘ona shahrida joylashgan “555” nomli kafeda Z.Q. va 21 yoshli M.I. tovlamachilik yo‘li bilan M.F.dan 1500 dollarni olayotgan vaqtida ashyoviy dalillar bilan qo‘lga olingan.
Mazkur holat yuzasidan Farg‘ona shahar IIO FMB huzuridagi Tergov bo‘limi tomonidan qizlarga nisbatan Jinoyat kodeksining 165-moddasi 2-qismi “v” bandi (tovlamachilik) bilan jinoyat ishi qo‘zg‘atilib, gumon qilinuvchi tariqasida jalb qilingan.
Hozirda tergov harakatlari davom etmoqda.
Avvalroq Farg‘onada erkakning “ishqiy sahnalari”ni tarqatmaslik uchun 2 ming dollar talab qilgan ayol ushlangani to‘g‘risida xabar berilgandi.
Mavzuga doir:
- Samarqandda xorijlik fuqarodan shaxsiy rasm va videolarini internetda tarqatmaslik evaziga 20 ming dollar talab qilgan ayol qo‘lga olindi
- Surxondaryolik yigit qizning suratlarini tarqatmaslik evaziga uning akasidan 800 dollar talab qildi. Yigit bu pullarni onasini davolatish uchun sarflamoqchi bo‘lgan
- Buxoroda korxona rahbarlarini qo‘rqitib, 30 ming dollar talab qilgan ishchilar ushlandi
Izoh (0)