Vashingtonda AQSh prezidentlik saylovi natijasidan norozi bo‘lgan minglab kishilar amaldagi davlat rahbari Donald Trampni qo‘llab-quvvatlab mitingga chiqdi, deb xabar bermoqda Meduza, Fox News telekanaliga tayanib.
Telekanal ma’lumotlariga ko‘ra, “Tramp uchun marshda o‘n minglab” kishilar ishtirok etdi. Ular Oq uy yaqinida joylashgan Ozodlik maydonidan AQSh Oliy sudi binosiga qarab bordi.
Namoyishchilar “soxta saylovlarda”gi “ovozlar o‘g‘irlanishini to‘xtatish”ni talab qildi.
The Washington Post’ning yozishicha, mitingga Trampga qarshi bo‘lganlar ham kelgan. To‘qnashuvlar boshlanib, faollar bir-biriga butilkalar otgan, mushtlashgan, har ikkala tomondan ham jarohatlanganlar bor. Kamida 20 kishi, shu jumladan, o‘qotar quroldan foydalanish qoidalarini buzganlar qo‘lga olingan.
Tartibsizliklar kechasi va tunda davom etdi, deya qo‘shimcha qilgan WP. Trampga qarshi bo‘lganlar uning ramzini ifodalovchi atribut sotayotganlarga hujum qilgan, bayroq, shlyapalarni tortib olib, yoqib yuborgan.
AQShda prezident saylovi 2020-yil 3-noyabrda bo‘lib o‘tdi. 15-noyabr holatiga ko‘ra natijalar hali rasman e’lon qilinmadi. Amerika OAVlari Demokratlar partiyasidan nomzod Jo Baydenni g‘olib deb topdi, Tramp saylovdagi mag‘lubiyatini tan olmayapti. Bayden uning mag‘lubiyatini tan olishdan bosh tortishini sharmandalik deb atadi.
Mavzuga doir:
- Tramp birinchi bor prezident bo‘lmay qolishi ehtimoli haqida gapirdi
- NYT: Prokuratura AQSh saylovlaridagi qonunbuzarlikni tekshirishdan bosh tortdi
- NYT Baydenning rasmiy g‘alabasidan so‘ng Trampning ehtimoliy harakatlari to‘g‘risida ma’lumot berdi
- Saylovlardagi mag‘lubiyatdan so‘ng Trampga nima bo‘ladi? U Oq uydan to‘g‘ri qamoqqa ravona bo‘lishi rostmi? O‘zini o‘zi afv etishga ulguradimi? Uning kelajagiga oid savollarga javoblar
Izoh (0)