Вашингтонда АҚШ президентлик сайлови натижасидан норози бўлган минглаб кишилар амалдаги давлат раҳбари Дональд Трампни қўллаб-қувватлаб митингга чиқди, деб хабар бермоқда Meduza, Fox News телеканалига таяниб.
Телеканал маълумотларига кўра, «Трамп учун маршда ўн минглаб» кишилар иштирок этди. Улар Оқ уй яқинида жойлашган Озодлик майдонидан АҚШ Олий суди биносига қараб борди.
Намойишчилар «сохта сайловларда»ги «овозлар ўғирланишини тўхтатиш»ни талаб қилди.
The Washington Post’нинг ёзишича, митингга Трампга қарши бўлганлар ҳам келган. Тўқнашувлар бошланиб, фаоллар бир-бирига бутилкалар отган, муштлашган, ҳар иккала томондан ҳам жароҳатланганлар бор. Камида 20 киши, шу жумладан, ўқотар қуролдан фойдаланиш қоидаларини бузганлар қўлга олинган.
Тартибсизликлар кечаси ва тунда давом этди, дея қўшимча қилган WP. Трампга қарши бўлганлар унинг рамзини ифодаловчи атрибут сотаётганларга ҳужум қилган, байроқ, шляпаларни тортиб олиб, ёқиб юборган.
АҚШда президент сайлови 2020 йил 3 ноябрда бўлиб ўтди. 15 ноябрь ҳолатига кўра натижалар ҳали расман эълон қилинмади. Америка ОАВлари Демократлар партиясидан номзод Жо Байденни ғолиб деб топди, Трамп сайловдаги мағлубиятини тан олмаяпти. Байден унинг мағлубиятини тан олишдан бош тортишини шармандалик деб атади.
Мавзуга доир:
- Трамп биринчи бор президент бўлмай қолиши эҳтимоли ҳақида гапирди
- NYT: Прокуратура АҚШ сайловларидаги қонунбузарликни текширишдан бош тортди
- NYT Байденнинг расмий ғалабасидан сўнг Трампнинг эҳтимолий ҳаракатлари тўғрисида маълумот берди
- Сайловлардаги мағлубиятдан сўнг Трампга нима бўлади? У Оқ уйдан тўғри қамоққа равона бўлиши ростми? Ўзини ўзи афв этишга улгурадими? Унинг келажагига оид саволларга жавоблар
Изоҳ (0)