Dunyoda koronavirusga chalinish holatlari soni so‘nggi bir kecha-kunduzda 657 mingtadan oshdi, deb yozadi “RBK” Jahon sog‘liqni saqlash tashkiloti ma’lumotlariga tayanib. Bu so‘nggi hafta ichidagi navbatdagi rekord ko‘rsatkichdir.
JSST ma’lumotlariga ko‘ra, dunyoda so‘nggi 24 soat ichida COVID-19’ga chalinish bilan bog‘liq 657 312 ta holat qayd etilgan, pandemiya boshidan buyon kasallanganlar soni 53 million 164 ming 803 kishiga yetgan. So‘nggi bir kecha-kunduzda 9797 kishi, butun pandemiya davrida — 1 million 300 ming 576 kishi vafot etgan. Kasallanganlar soni eng yuqori bo‘lgan mamlakat beshligiga AQSh, Hindiston, Braziliya, Rossiya va Fransiya kiradi.
Eslatib o‘tamiz, 14-noyabr kuni JSST bir sutka ichida butun dunyo bo‘ylab yana 628 136 kishida koronavirus tasdiqlangani, bu pandemiya boshlanganidan buyon sutka davomida qayd etilgan eng yuqori ko‘rsatkich ekanligini ma’lum qilgandi.
Amerikalik olimlar mutatsiya SARS-CoV-2 koronavirusining dunyo bo‘ylab tarqalishini yanada tezlashtirgani, biroq buning natijasida patogenning xavfliligi ortmaganini ma’lum qildi.
Avvalroq JSST COVID-19 qarshisidagi qo‘rquvdan qutulish usulini ma’lum qilgandi. Koronavirus pandemiyasi davrida qo‘rquv va stressdan qutulishga kun tartibiga doimiy rioya qilish yordam beradi. Masalan, har kuni bir vaqtda uyquga yotish va uyqudan turishga harakat qilish, muntazam ravishda sog‘lom ovqatlanish va sport bilan shug‘ullanish, shuningdek, ishdan dam olib turish kerak.
Izoh (0)