Jinoyat ishlari bo‘yicha Toshkent viloyati sudi chinozlik Ahmadboy (Ahmadjon Tursunboyev) va uning sheriklari ishi bo‘yicha yakuniy sud majlislari bo‘lib o‘tadi.
“Daryo” manbasi bergan axborotga ko‘ra, 16-fevral kuni sudlanuvchi Ahmadboy va uning sheriklariga so‘nggi so‘z aytish imkoni beriladi. 19-fevral kuni esa sud hukmi e’lon qilinishi kutilmoqda.
Ma’lum qilishlaricha, sud majlislari jinoyat ishlari bo‘yicha Toshkent viloyati sudi (Toshkent shahri, Rustaveli ko‘chasi, 93-uy)da bo‘lib o‘tadi.
Mavzuga doir: Ahmadboy ishi bo‘yicha olib qo‘yilgan 105 avtomobil egalariga qaytarib berildi (video)
Unga nisbatan Jinoyat kodeksining to‘rt moddasi bo‘yicha ayblov ilgari surilgan. Dastlabki sud majlislari 2017-yilning avgustida bo‘lib o‘tgan, xususan, birinchi yig‘ilishlarda sud zaliga odam sig‘may ketgan. Qayd etish joiz, aynan Ahmadboyning faoliyati sabab, O‘zbekistonda moliyaviy ehromlarni tashkil qilganlik uchun jinoiy javobgarlik joriy etildi.
Ahmadboy qo‘lga olingan dastlabki davrda uning faoliyatini to‘xtatish o‘rniga, bir necha yil davomida unga rahnamolik qilib kelgan amaldorlar, huquq-tartibot organlari vakillarining harakatlariga ham tergov jarayonida huquqiy baho berilishi aytilgandi. Ahmadboyning o‘zi qilgan ishi uchun “aholidan uzr so‘ragan”.
Izoh (0)