“O‘zstandart” agentligi inson salomatligiga jiddiy zarar yetkazish mumkin bo‘lgan sotuvdagi mahsulot to‘g‘risida ogohlantirdi. Bu haqda O‘zA xabar berdi.
Qayd etilishicha, agentlikning davlat inspektorlari tomonidan iste’mol bozoriga oid ma’lumotlar o‘rganib chiqilib, tahlil qilinganda sifatsiz va inson salomatligiga zarar yetkazish mumkin bo‘lgan mahsulot aniqlangan.
Ushbu xavfli mahsulot Lift activator gel yuz uchun geli bo‘lib, NEWA savdo belgisi ostida Isroilda ishlab chiqarilgan. Gel tarkibida N-nitrozodietanolamin (NDELA) moddasi aniqlangan.
Bu modda kanserogen hisoblanadi va organizmda xatarli o‘smalarning paydo bo‘lishiga olib kelishi mumkin.
Izoh (0)