O‘zbekistonda ilg‘or xorijiy tajribani o‘rganish asosida “Jamoat tartibini saqlashda fuqarolarning ishtiroki to‘g‘risida”gi qonun qabul qilinadi. Bu Prezident Shavkat Mirziyoyevning “Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatidan yangi tizimini joriy etish to‘g‘risida” qarorida ko‘zda tutilgan, deya xabar beradi O‘zA.
Qaror bilan O‘zbekiston Ichki ishlar vazirligiga:
Toshkent shahar IIBBning “102” yagona telefon raqami bo‘yicha kelib tushayotgan jinoyatlar to‘g‘risidagi ariza, xabar va boshqa ma’lumotlarni tergovga qadar tekshirish yakunlari bo‘yicha qabul qilinadigan jinoyat ishi qo‘zg‘atishni rad etish to‘g‘risidagi qarorlarni rasmiylashtirishning soddalashtirilgan tartibini ishlab chiqish va tasdiqlash;
Vazirlar Mahkamasiga Toshkent shahrida transport vositalari haydovchilari tomonidan to‘xtab turish qoidalarini buzish bilan bog‘liq ma’muriy huquqbuzarliklar to‘g‘risidagi ishlarni yuritishning soddalashtirilgan tartibini joriy etish to‘g‘risida takliflar kiritish, bunda haydovchisi bo‘lmaganda ham noto‘g‘ri to‘xtab turish holatini qayd etish va bayonnomalar tuzilishi nazarda tutish;
Muvofiqlashtirish boshqarmalari va ichki ishlar bo‘limlari xodimlarini bosqichma-bosqich tabel o‘qotar quroli o‘rniga qo‘llashning qat’iy tartibi va shartlarini belgilagan holda elektroshok vositalari bilan ta’minlash to‘g‘risida Vazirlar Mahkamasiga takliflar kiritish topshirildi.
Toshkent shahar hokimligiga ichki ishlar bo‘limlari xodimlari, birinchi navbatda, profilaktika inspektorlari va tezkor vakillarini dasturiy ta’minot o‘rnatilgan va ma’lumotlar bazalariga ulangan planshetlar bilan ta’minlash, shaharning yirik bozorlari va savdo majmualarida ichki ishlar organlari tomonidan xizmat ko‘rsatish bo‘yicha shartnomalar tuzish choralarini ko‘rish yuklatildi.
Izoh (0)