Og‘ir jinoyati uchun qidiruvda bo‘lgan 3 nafar shaxs BAAdan O‘zbekistonga ekstraditsiya qilindi. Bu haqda IIV matbuot xizmati xabar berdi.
Qayd etilishicha, ushbu shaxsalr O‘zbekiston Interpol Milliy markaziy byurosining axborot ko‘magi hamda BAAning vakolatli organlari o‘rtasidagi yaqin hamkorligi natijasida qo‘lga olinib, O‘zbekistonga qaytarib yuborilgan.
Ushbu shaxslar og‘ir jinoyatlar sodir etganlikda, jumladan, iqtisodiy va mulkiy jinoyatlarga oid ayblovlar bo‘yicha xalqaro miqyosda qidiruvda bo‘lgan. Endi ular jinoiy javobgarlikka tortilib, sud oldida javob beradilar.
Bundan avval O‘zbekiston prezidentini haqorat qilish bilan bog‘liq jinoyatni sodir etganlikda ayblanayotgan o‘zbekistonlik erkak O.Yu. Bokudan Toshkentga ekstraditsiya qilingandi.
14-iyul kuni Juda ko‘p miqdorda o‘zlashtirish va talon-toroj qilish jinoyatini sodir etgani uchun qidiruvda bo‘lgan O‘zbekiston fuqarosi AQSHda qo‘lga olinib, deportatsiya qilindi.
Sankt-Peterburgda 2021-yilda sodir etilgan qotillik uchun qidiruvda bo‘lgan O‘zbekiston fuqarosi 28-may kuni Salvadordan ekstraditsiya qilingandi. O‘zbekistonda 9 million dollarni talon-toroj qilishda ayblangan shaxs Rossiyada ushlanib, 15-mayda O‘zbekistonga ekstraditsiya qilingandi. Shuningdek, O‘zbekiston Interpol Milliy markaziy byurosi xalqaro qidiruvda bo‘lgan jinoyatchi ayolni BAAdan chiqarib yuborgandi. 3-iyulda esa Ummondan O‘zbekiston Jinoyat kodeksining 135-moddasida nazarda tutilgan odam savdosida ayblanayotgan fuqaro ekstraditsiya qilingan.
Izoh (0)