13-fevral kuni “O‘zbekoziqovqatxolding” kompaniyasi tomonidan meva-sabzavot mahsulotlari eksportini oshirishdagi navbatdagi dolzarb masalalar to‘g‘risida kengaytirilgan davra suhbati tashkil etildi. Bu haqda “O‘zbekoziqovqatxolding” kompaniyasi matbuot xizmati xabar bermoqda.
Tadbirda xolding kompaniyasi, “O‘zagroeksport” AJ, bank, tegishli boshqarma va bo‘linmalar, shuningdek qator fermer dexqon va tamorqa xo‘jaliklari va logistika markazlarining rahbarlari hamda ma’sul xodimlari ishtirok etdi.
“Statistik ma’lumotlarga ko‘ra, O‘zbekiston o‘rik eksporti bo‘yicha jahonda ikkinchi o‘rinda turadi. Xolding kompaniyasi tomonidan amalga oshirilayotgan keng ko‘lamli chora-tadbirlar asnosida, mazkur mavqe yanada ijobiy ko‘rinish hosil qilishi kutilmoqda”, — deyiladi xabarda.
“O‘zbekoziqovqatxolding” tarkibidagi “O‘zagroeksport” AJ dehqon, fermer va tomorqa xo‘jaliklarining meva bog‘larida yetishtirilgan yangi mavsum o‘rik mahsulotini, Fyuchers (oldindan pul o‘tkazish) shartnomalari asosida xarid qilish hamda “Uzagro” brendi ostida eksportga yo‘naltirish bo‘yicha olib borilayotgan amaliy ishlar atroflicha muhokama qilindi.
Qayd etilishicha, endilikda “O‘zagroeksport” AJ kompaniyasi o‘rik pishib yetilishiga bir necha oy bo‘lishiga qaramay, dehqonlar daromadini oshirish maqsadida bo‘nak pulini to‘lagan holda o‘rikni xarid qilib oladi.
Davra suhbati yakunida 2018-yil o‘rik mevasi hosili uchun, aniqrog‘i 1 kilogramm 40+ kalibrli o‘rik uchun to‘rt baravar oshirilgan holda ya’ni 8 000 ming so‘m narx belgilash maqsadga muvofiq, deb topildi.
Izoh (0)