Turkiyaning yettinchi prezidenti Kenan Evren Anqaradagi harbiy gospitalda vafot etdi, deya xabar bermoqda RBC.ru.
97 yoshli Evrenning ahvoli so‘nggi bir necha kundan beri jiddiy yomonlashgan edi, Anadolu agentligi xabariga ko‘ra, shanba kuni shifokorlar uning vafot etganini ma’lum qilishgan.
Evren 1977-yili Turkiya quruqlikdagi qo‘shinlari bosh qo‘mondoni etib tayinlangan, oradan uch yil o‘tib bosh shtab boshlig‘iga aylangandi. U Turkiya tarixidagi eng qonli deb hisoblanadigan 1980-yil 12-sentyabrdagi davlat to‘ntarishi natijasida hokimiyat tepasiga kelgan. 1982-1989-yillar davomida Turkiyaga prezidentlik qilgan.
2014-yil iyunida sud Evren va mamlakat harbiy-havo kuchlarining sobiq qo‘mondoni Tahsin Shahinkayni davlat to‘ntarishida ishtirok etganlikda aybdor deb topgan va umrbod ozodlikdan mahrum etgandi. Bu vaqtga kelib ayblanuvchilar salomatligi yo‘l qo‘ymagani sabab sud majlisiga ham kelolmasdi. Hukm qonuniy kuchga kirmagan.
Izoh (0)