Туркиянинг еттинчи президенти Кенан Эврен Анқарадаги ҳарбий госпиталда вафот этди, дея хабар бермоқда RBC.ru.
97 ёшли Эвреннинг аҳволи сўнгги бир неча кундан бери жиддий ёмонлашган эди, Anadolu агентлиги хабарига кўра, шанба куни шифокорлар унинг вафот этганини маълум қилишган.
Эврен 1977 йили Туркия қуруқликдаги қўшинлари бош қўмондони этиб тайинланган, орадан уч йил ўтиб бош штаб бошлиғига айланганди. У Туркия тарихидаги энг қонли деб ҳисобланадиган 1980 йил 12-сентябрдаги давлат тўнтариши натижасида ҳокимият тепасига келган. 1982-1989 йиллар давомида Туркияга президентлик қилган.
2014 йил июнида суд Эврен ва мамлакат ҳарбий-ҳаво кучларининг собиқ қўмондони Таҳсин Шаҳинкайни давлат тўнтаришида иштирок этганликда айбдор деб топган ва умрбод озодликдан маҳрум этганди. Бу вақтга келиб айбланувчилар саломатлиги йўл қўймагани сабаб суд мажлисига ҳам келолмасди. Ҳукм қонуний кучга кирмаган.
Изоҳ (0)