Polshada prezident saylovlari boshlandi. Korrespondent.net’ning xabar berishicha, saylovchilar mahalliy vaqt bilan 7:00dan 21:00gacha ovoz berishlari mumkin.
Polshaliklar 10-may kuni bo‘ladigan saylovlarda 11 nomzoddan birini saylashlari kerak bo‘ladi. Prezidentlikka nomzodini qo‘yganlar orasida mamlakatning amaldagi prezidenti Bronislav Komorovskiy ham bor. Uning nomzodi “Huquq va adolat” milliy-konservativ partiyasidan tomonidan ilgari surilgan.
Saylovda amaldagi prezidentga Anjey Duda, Magdalena Ogurek (So‘l demokratik kuchlar ko‘magida), Adam Yarubas (Polsha dehqonlar partiyasidan), Marian Kovalskiy (“Milliy harakat”dan), Yanush Palikot (“Sening harakating” partiyasidan), Yanush Korvin-Mikke (KORWiN partiyasidan), Pavel Kukiz (mustaqil nomzod), Yatsek Vilk (Yangi o‘nglar kongressidan), Pavel Tanayno (“Bevosita demokratiya”dan) va Gjegoj Braun (mustaqil nomzod) raqobat ko‘rsatadi.
Agar 10-may kuni bo‘lib o‘tadigan saylovda nomzodlarning hech biri saylovchilar yarmining ovozini qo‘lga kirita olmasa, 24-may kuni saylovning ikkinchi turi bo‘lib o‘tadi.
Izoh (0)