AQSHning Nyu-York shtati Byukenen shahri yaqinida joylashgan atom elektr stansiyasida shanba kuni yong‘in yuz berdi. Bu haqda “TASS” xabar bermoqda.
Guvohlarning so‘zlariga ko‘ra, energetika korxonasi ustidan tutun ustuni paydo bo‘lgan. Byukenen yong‘in xavfsizligi xizmatidan ma’lum qilishlaricha, yong‘in peshinda yuz bergan.
Mahalliy ma’muriyat ma’lumotlariga ko‘ra, hodisa natijasida hech kim jabr ko‘rmagan, AES xodimlarini xavfsiz joyga ko‘chirish zarurati tug‘ilmagan. Qutqaruv xizmatlari yong‘inni muvaffaqiyatli o‘chirishgan.
Izoh (0)