Kiyevda “Obkom” va ProUA internet-nashrlari asoschilaridan biri bo‘lgan ukrainalik jurnalist Sergey Suxobokning qotillarini topishdi, deya xabar bermoqda Ukraina IIV poytaxt boshqarmasi.
Tergovchilar aniqlashicha, jabrlanuvchi tanishining dala hovlisida yashagan va bir necha oy davomida ikki qo‘shni bilan nizoda bo‘lgan. 12-aprel kuni kechqurun ular tajovuzkor kayfiyatda va alkogol mastlik holatida Suxobokning oldiga kelgan. Erkaklar yana janjallashib, mushtlashgan. Qo‘shnilari jurnalistni ko‘chaga sudrab chiqarib, o‘sha yerda uning ustidan kulishda davom etgan va qonga belangan qurbonlarini ko‘cha o‘rtasida tashlab ketgan.
Militsiyachilar gumonlanuvchi shaxslarni yashash joylaridan topishdi. Ularning dog‘li kiyimlari ekspertizaga yuborildi.
Izoh (0)