Eron Rossiya, Xitoy va Hindistonni raketaga qarshi mudofaa bo‘yicha NATO rejalariga qarshi birgalikda harakat qilishga chaqirdi. Bu haqda Eron mudofaa vaziri Husayn Dehgan Moskvaga tashrifi chog‘ida ma’lum qildi, deb yozadi “Gazeta.ru”.
“Xitoy, Eron, Rossiya va Hindiston o‘rtasida NATOning sharqqa qarab kengayishi va Yevropaga raketa qalqoni joylashtirishiga qarshi harakat qilish uchun ko‘p tomonlama mudofaa hamkorligini rivojlantirish g‘oyasini qo‘llab-quvvatlashni istardim”, — dedi Dehgan.
Bu orada Vladimir Putin rossiyaliklar bilan to‘g‘ridan-to‘g‘ri muloqot chog‘ida Rossiyaning Eronga C-300 zenit-raketali kompleksini yetkazib berish niyatini izohladi. Rossiya prezidenti so‘zlariga ko‘ra, u mudofaa quroli bo‘lib, Isroil xavfsizligiga rahna solmaydi.
Izoh (0)