Киевда «Обком» ва ProUA интернет-нашрлари асосчиларидан бири бўлган украиналик журналист Сергей Сухобокнинг қотилларини топишди, дея хабар бермоқда Украина ИИВ пойтахт бошқармаси.
Терговчилар аниқлашича, жабрланувчи танишининг дала ҳовлисида яшаган ва бир неча ой давомида икки қўшни билан низода бўлган. 12 апрель куни кечқурун улар тажовузкор кайфиятда ва алкоголь мастлик ҳолатида Сухобокнинг олдига келган. Эркаклар яна жанжаллашиб, муштлашган. Қўшнилари журналистни кўчага судраб чиқариб, ўша ерда унинг устидан кулишда давом этган ва қонга беланган қурбонларини кўча ўртасида ташлаб кетган.
Милициячилар гумонланувчи шахсларни яшаш жойларидан топишди. Уларнинг доғли кийимлари экспертизага юборилди.
Изоҳ (0)