“Navoiy azot” zavodidagi laboratoriyada portlash bo‘lgani xabar qilingandi. Hodisada bir kishi halok bo‘ldi.
Bugun, 11-mart kuni soat 14:10 da Navoiy viloyati, Navoiy shahar, Navoiy ko‘chasida joylashgan “Navoiy azot” AJning 25-sexi laboratoriyasida gaz-havo aralashmasining chaqnashi hodisasi ro‘y bergan. Chaqnash natijasida yong‘in kelib chiqqan.
Yong‘in-qutqaruv ekipajlari tomonidan yong‘in soat 14:20 da qurshab olinib, 14:50 da batamom o‘chirildi.
Chaqnash oqibatida 1 nafar fuqaro halok bo‘lgan va 11 nafar fuqaro tan jarohati olgan. Hozirda jabrlanganlarga malakali tibbiy yordam ko‘rsatilmoqda.
Holat yuzasidan tergovga qadar surishtiruv ishlari amalga oshirilmoqda.
Bundan avval Qashqadaryodagi zapravkada ikkita sisterna yonib ketgani xabar qilingandi.
Shuningdek, 20-fevral kuni Andijon viloyatining Shahrixon tumanidagi zapravkada havo-gaz aralashmasining chaqnashi sodir bo‘lgandi. Oqibatda ikki nafar fuqaro tan jarohati olgandi. 21-fevral kuni Toshkent shahridagi avtomobillar yuvish joyida yong‘in yuz berdi. Hodisa oqibatida hech kim tan jarohati olmagan. Halok bo‘lganlar ham yo‘q.
Izoh (0)