Iyul oyidagi eng kuchli Quyosh chaqnashlaridan biri Yerda magnit bo‘roniga olib kelishi mumkin. Bu haqda Fobos ob-havo markazi xabar berdi.
Iyul oyi kuchli magnit bo‘roni bilan tugaydi, o‘tgan kechada oxirgi 12 kun ichida ilk marta Quyoshda X1,5 kuch bilan maksimal chaqnash sodir bo‘ldi, u joriy yilning eng kuchli yigirmata chaqnashlar ro‘yxatiga kirdi, deyiladi xabarda.
Mutaxassislarning fikricha, G1 sinfidagi kuchsiz magnit bo‘roni Yerda 29-iyul kechasi boshlanishi mumkin, u 30-iyul kuni asta-sekin kuchayib, tushdan keyin G3 sinfining maksimal darajasiga yetishi kutilmoqda.
- Magnit bo‘ronlarining kuchi besh balli shkala bo‘yicha baholanib, G1 darajasidagi bo‘ronlar eng zaif hisoblanadi. G1 bo‘ronlari elektr jihozlarining faoliyatiga deyarli ta’sir qilmaydi; G3 kuchli darajadagi bo‘ron bo‘lib, u energiya tizimlariga bevosita ta’sir qiladi va sun’iy yo‘ldosh navigatsiyasi va radioaloqadagi uzilishlarga olib keladi.
- Maksimal daraja — G5 elektr tarmog‘idagi keng ko‘lamli muammolar va sun’iy yo‘ldoshlar hamda radio aloqalarining ishlashida jiddiy nosozliklarga sabab bo‘lishi mumkin.
Iyul oyining oxirgi kunida Yer magnitosferasidagi o‘zgarishlar susayadi va magnit bo‘roni asta-sekin to‘xtaydi.
Rossiya FA Koinot tadqiqotlari instituti Quyosh astronomiyasi laboratoriyasi saytida magnit bo‘roni ehtimoli 30-iyulda 25 foiz, 31-iyulda esa 30 foizni tashkil etishi qayd etilgan.
Izoh (0)