Quyoshda 29-may kuni navbatdagi kuchli chaqnash sodir bo‘ldi. Bu haqda “RIA Novosti” xabar berdi.
Rossiya Fanlar akademiyasi Koinot tadqiqotlari instituti quyosh astronomiyasi laboratoriyasi rahbari Sergey Bogachev chaqnashga munosbat bildirdi. Mutaxassis mazkur chaqnash magnit bo‘ronlarini keltirib chiqarishi ehtimoli kichikligi, ammo nolga teng emasligini aytdi. Avvalgi chaqnash 27-may kuni qayd etilgandi.
“Chaqnash taxminan 20 daqiqa sodir bo‘lgan. Dastlabki ball — X1.4. Chaqnash sodir bo‘lgan zona Quyosh-Yer chizig‘i tomon, ya‘ni quyosh diskining ko'rinadigan markaziga qarab harakatlanishda davom etmoqd”, — dedi Bogachev.
Ta’kidlanishicha, u yakshanba-dushanba kunlaridan sayyoramizga to'g'ridan-to'g'ri ta'sir qilish zonasida bo‘ladi.
Quyosh chaqnashlari rentgen nurlanishining kuchiga qarab beshta sinfga bo'linadi: A, B, C, M va X. Bunda minimal sinf A0.0 bo‘lib, Yer orbitasida kvadrat metrga 10 nanovatt radiatsiya quvvatiga to‘g‘ri keladi. Keyingi harfga o‘tishda quvvat 10 barobar ortadi. Quyoshdagi chaqnashlar odatda Yer tomon yo‘nalgani uchun magnit bo‘ronlarini keltirib chiqarishi mumkin.
Izoh (0)