“Navoiy azot” zavodidagi laboratoriyada portlash bo‘ldi. FVV sodir bo‘lgan holat to‘g‘risida ma’lumot berdi.
Ma’lum qilinishicha, bugun, 11-mart kuni soat 14:10 da Navoiy viloyati, Navoiy shahar, Navoiy ko‘chasida joylashgan “Navoiy azot” AJning 25-sexi laboratoriyasida gaz-havo aralashmasining chaqnashi hodisasi ro‘y bergan. Chaqnash natijasida yong‘in kelib chiqqan.
Shunga ko‘ra, hodisa joyiga 10 ta yong‘in-qutqaruv ekipaji yetib borib, hozirda yong‘inni bartaraf etish ishlari olib borilmoqda.
Voqea joyiga viloyat FVB boshlig‘i, IIB, SSB, prokuratura xodimlari yetib borgan. Bu vaziyat bo‘yicha FVV axborot xizmati tomonidan qo‘shimcha ma’lumot taqdim etilishi aytildi.
Bundan avval Qashqadaryodagi zapravkada ikkita sisterna yonib ketgani xabar qilingandi.
Shuningdek, 20-fevral kuni Andijon viloyatining Shahrixon tumanidagi zapravkada havo-gaz aralashmasining chaqnashi sodir bo‘lgandi. Oqibatda ikki nafar fuqaro tan jarohati olgandi. 21-fevral kuni Toshkent shahridagi avtomobillar yuvish joyida yong‘in yuz berdi. Hodisa oqibatida hech kim tan jarohati olmagan. Halok bo‘lganlar ham yo‘q.
Izoh (0)