Toshkent shahrida bloger ayol kimdir “Gelik” avtomashinasining oynalarini sindirib ketganini aytib, video joylagan edi. Holat yuzasidan sud bo‘lib o‘tdi.
Ayol videoda bu ishni kim qilganini bilmasligini, bundan qattiq dili og‘riganini yig‘lab aytib bergan. Biroq keyinchalik ma’lum bo‘lishicha, mazkur ish uyushtirilgan bo‘lgan. Ya’ni bloger ayol eri bilan birgalikda qarindoshlariga “prank” qilish maqsadida o‘z mashinasiga zarar yetkazgan.
Shundan so‘ng ular ijtimoiy tarmoqda chiqish qilib, barchadan uzr so‘radi. Holat yuzasidan o‘tkazilgan sud jarayonida ma’lum bo‘lishicha, erkak o‘z jiyaniga mazkur ishni qilishni buyurgan.
Sud qarori bilan yolg‘on axborot tarqatgan uch nafar huquqbuzarga jarima jazosi tayinlandi: ulardan ikki nafari 18 mln 750 ming so‘m jarimaga, uchinchi shaxs esa 1 mln 875 ming so‘m jarimaga tortildi.
Samarqandda axloqqa zid harakatlar qilib, ijtimoiy tarmoq “yulduzi”ga aylanganlar uzr so‘rab chiqdi.
2024-yilning iyun oyida 21 yoshli qiz viloyatliklarni tilga olib bo‘lmas so‘zlar bilan haqorat qilib, shu qilmishi uchun 15 sutkaga qamalgandi. O‘sha yilning iyul oyi o‘rtasida Instagramʼdagi jonli efirda “qishloqilar odammas” deya haqoratlagan qiz jarimaga tortilgan edi. Instagram’da salbiy fikr bildirgan kuzatuvchilarga javob tariqasida behayo so‘zlar bilan viloyatliklarni haqorat qilgan qiz 10 sutkaga qamalgandi.
Shuningdek, Toshkent aholisini haqorat qilgan qiz 10 sutkaga qamalgan edi.
Izoh (0)