“Yuventus” klubi 20 yoshli turkiyalik futbolchi Kenan Yildizni “Chelsi”ga sotishni istamadi. Bu haqda Italiyaning La Gazzetta dello Sport nashri xabar berdi.
London klubi Yildiz uchun 68 million yevrogacha to‘lashga tayyor edi, biroq “keksa sinyora” futbolchini qo‘yib yuborishni istamayotganini ochiq bildirgan. Turin klubi Yildizni jamoaning kelajakdagi asosiy futbolchilaridan biri sifatida ko‘rayotgani va hattoki undan yuqori takliflar evaziga ham Kenanni qo‘yib yubormasligini ta’kidlagan.
Xabarlarga ko‘ra, “Yuventus” yaqin kunlarda Kenan Yildizga yangi shartnoma taklif qiladi. Unga ko‘ra, turkiyalik iqtidorning yillik maoshi 1,5 million yevrodan 4 million yevroga oshiriladi. Shuningdek, u bilan tuziladigan yangi bitim ham uzoq muddatli bo‘ladi.
Ma’lumot uchun, Kenan Yildiz o‘tgan mavsum klub tarkibida jamo 52 ta o‘yin o‘tkazib, o‘z hisobiga 12 ta gol va 9 ta golli uzatma yozdirib qo‘ygan. Transfermarkt portali vingerning qiymatini 50 million yevroga baholamoqda. Futbolchining turinliklar bilan shartnomasi 2029-yilga qadar amal qiladi.
Izoh (0)