Toshkentdagi yangi qurilayotgan binoda yong‘in sodir bo‘ldi (video)
Toshkent shahrining Yakkasaroy tumani, Kichik halqa yo‘li ko‘chasida joylashgan yangi qurilayotgan bino yerto‘lasida yong‘in sodir bo‘ldi. Bu haqdagi xabar 11-fevral kuni soat 15:20 da poytaxt FVBga kelib tushgan.
Shunga ko‘ra, yong‘in-qutqaruv texnikalari aytilgan manzilga soat 15:28 da yetib borib, yong‘in soat 15:45 da qurshab olinib, soat 16:05 da o‘chirildi.
Hodisa oqibatida halok bo‘lgan va jabrlanganlar haqida maʼlumot kelib tushmadi.
Hozirda yong‘in sababi va keltirilgan moddiy zarar aniqlanmoqda.
So‘nggi vaqtlarda sodir bo‘lgan yong‘inlar
13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi.
Shuningdek, 20-oktyabr kuni soat 16:54 da Shayxontohur tumanidagi “Bildirish” tor ko‘chasida joylashgan xonadonlarda yong‘in sodir bo‘ldi.
Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
Izoh (0)