Qozog‘istonning Jezqazg‘on shahrida joylashgan neft bazasida portlash sodir bo‘lib, undan so‘ng yong‘in chiqdi. Hodisa oqibatida to‘rt kishi jarohatlanib, kasalxonaga yotqizildi, deb xabar berdi respublika Favqulodda vaziyatlar vazirligi.
Vazirlik ma’lumotlariga ko‘ra, neft bazasi hududida avvaliga uchta maxsus mashina yonib ketgan. Keyinroq o‘t o‘chiruvchilar yetib kelishidan oldin gaz-havo aralashmasi portladi. Olov 100 kvadrat metr maydonni qamrab oldi. Neft bazasi hududida joylashgan omborxona qulab tushdi.
FVV xodimlari yong‘inni o‘chirish chog‘ida qo‘shni yonilg‘i rezervuarlarini sovitish orqali himoya qilib, olovning tarqalashiga yo‘l qo‘ymadi. Yong‘in bartaraf etildi. Favqulodda vaziyat sabablari hozircha aniqlanmagan.
Izoh (0)