Яқинларга қулоқ тутиш муҳим, айниқса, ҳаётни ўзгартирадиган роллар ҳақида гап кетганда. Мазкур Голливуд юлдузлари қариндошларининг фикрига қулоқ солишди ва бундан афсусланишмади.
Крис Эванс
Ҳозир Капитан Америка ролида бошқа бировни тасаввур қилиш қийин. Аммо Крис Эванс бу қаҳрамонни ўйнамаслиги ҳам мумкин эди. Актёр машҳур бўлишни хоҳламаган ва шу сабабли Marvel фильмларида суратга тушишдан воз кечган.
Ўғлим менга қўнғироқ қилиб, маслаҳат сўради. Мен унга: “Умр бўйи актёр бўлишни хоҳлайсанми? Агар бу ролни қабул қилсанг, ҳамма нарса ўз йўлига тушади. Уй-жой учун пул тўғрисида бошқа ташвишланмайсан. Сен шунчаки қарор қабул қилишинг керак. Агар розилик берсанг, ҳаётинг яхшиланади”, дедим, деган эди онаси Лиза.
Шундан кейингина Крис бу ролга рози бўлган.
Том Круз
Агар унинг синглиси Кесс бўлмаганида, актёр “Ёмғир одами” фильмида рол ўйнамаслиги мумкин эди. Гап шундаки, Кесс машҳур акаси билан тушлик қилаётган ресторанда Дастин Ҳоффманни кўриб қолган. У Томни анча вақт қистаган ва актёр ниҳоят ҳамкасби билан саломлашишга рози бўлган.
Мен: “Кечирасиз, жаноб Ҳоффман, узр...” дедим. У эса: “Круз!” деб жавоб берди, дейди Том.
Натижада Дастин Ҳоффман актёр ва синглисини ўз фильмининг премерасига таклиф қилади. Кейин эса саҳна ортида Томга рол таклиф этади. Бир йил ўтгач, сценарий актёрнинг қўлига тегади.
Скарлетт Йоханссон
Скарлетт Йоханссоннинг қизи Роуз 10 ёшда. Табиийки, у мультфильмларни кўришни яхши кўради. Бироқ қизча анимацион лойиҳалар устида ишлайдиган машҳур одамлар нима иш қилишини узоқ вақт тушунолмайди. Онаси бу борада унга ёрдам беришга қарор қилади.
Эсимда, қизим мен Эшга овоз берган “Куйла” мультфильмини кўрди. Мен унга буларнинг барчаси қандай содир бўлишини, қаҳрамонлар қандай жонлантирилишини узоқ тушунтиришимга тўғри келди. Кейин, эҳтимол, у жараённи ичкаридан кўришни хоҳлар, деб ўйладим, дея ҳикоя қилади Скарлетт.
Шундай қилиб, Йоханссон “Трансформерлар: ибтидо” мультфильмидаги Элита-1 га ҳам овоз беради.
Райан Рейнолдс
“Pokeмон: детектив Пикачу” фильмининг асл версиясида айнан Райан Рейнолдс покемонга овоз берган. Актёр бу фильмда қатнашишга рози бўлади, чунки одатда ёш рейтинги туфайли ўзи иштирок этган фильмларни болаларига кўрсата олмайди. Бу сафар эса улар билан тўғридан тўғри экран орқали саломлашиш имконияти пайдо бўлади.
“Фарзандларимга ёқадиган фильмда рол ўйнаганимдан хурсандман. 18+ чегараси бўлмаган картиналарда камдан кам суратга тушаман. Бу мен учун жуда муҳим”, дейди у.
Изоҳ (0)