Гарри Поттер ҳақидаги янги сериалда бош ролларни ижро этадиган ёш актёрларнинг ҳаёти, албатта, яхши томонга ўзгаради. Ҳеч бўлмаганда молиявий жиҳатдан шундай бўлиши аниқ.
Гарри Потер бренди бўйича эксперт Daily Mailʼга бу болалар “жекпотни ютиб олишди” ва янги роллар уларнинг ҳаётини бутунлай ўзгартириб юборади, деб айтди. Баъзи маълумотларга кўра, улар бир серия учун 1 млн 400 минг долларгача олишлари мумкин.
Таъкидлаш жоизки, Гарри Поттернинг аввалги талқинида бош ролларда ўйнаган актёрлар Дэниел Рэдклифф тахминан 115 млн доллар, Эмма Уотсон 84 млн доллар ва Руперт Гринт 50 млн доллар ишлаб топган.
Эслатиб ўтамиз, Гарри Поттер фильмини сериал сифатида суратга тушириш кампанияси 2023 йилнинг баҳорида эълон қилинган эди. Сериал 2026 йилда дебют қилиниши кутилмоқда. Сериал етти мавсумдан иборат бўлиб, худди китоблардаги каби, уларнинг ҳар бирида олтитадан эпизод бўлади. Сериал сценарий муаллифи Франческа Гардинер ва режиссёр Марк Майлод томонидан яратилмоқда.
Машҳур франшизани қайта ишга тушириш учун эса Буюк Британияда махсус шаҳар қурилди, унинг харажатлари бир миллиард еврога баҳоланмоқда.
Изоҳ (0)