Биргина роли билан машҳур бўлиб, кейинчалик кўринмай кетган актёрлар (фото)

Қуйидаги Голливуд юлдузлари бир вақтлар жуда машҳур лойиҳаларда суратга тушган ва кўпчилик уларнинг муваффақиятли келажагини башорат қилган эди. Аммо кутилмаганда уларнинг карьерасида пасайиш кузатилиб, ягона ролли актёрларга айланишди.

Сами Насери, «Такси» фильми

Бир вақтлар кўп йигитлар «Такси» фильмидаги Даниел каби соч турмагини орзу қилишган. Машинаси-ку улар учун етишиб бўлмас нарса эди. «Такси» фильмида бош ролни ўйнаган Насери бир кечада бутун дунёга машҳур бўлди — ўзи туғилган Франциядан бошқа мамлакатларда ҳам. Бироқ унинг катта муваффақият билан бошланган карьераси аста-секин пасая бошлади. Афсуски, Сами бошқа юлдузли роллари билан мақтана олмайди.

Аманда Байнс, «У — эркак» фильми

Аманда Байнс кинода, ҳеч бўлмаганда ёшларбоп комедия жанрида келажаги порлоқ ёқимтой қиз эди. Бироқ ҳаммаси бошқача бўлиб чиқди: «У —  эркак» фильми чиққандан сўнг Аманда машҳур бўлиб уйғонди ва бунга тайёр эмаслиги маълум бўлди. Қизда спиртли ичимликлар ва гиёҳванд моддалар, кейин эса психика билан боғлиқ муаммолар пайдо бўлди. Натижада Байнс актрисалик фаолиятини тўхтатди.

Хилари Дафф, «Лиззи Магуайр» сериали

2001 йилдан 2004 йилгача чиқарилган ўсмирларбоп «Лиззи Магуайр» сериали Хилари Даффни ҳақиқий юлдузга айлантирди. Шон-шуҳрат тўлқинида актриса «Золушка қиссаси», «Суперюлдуз» ва «Мукаммал эркак» каби фильмларда бир-бирига ўхшаш қаҳрамонларни ўйнади. У ўз истеъдодини тўла кўрсатиб беролмаётганини ҳис қилди: «Мен ҳақиқатан ҳам жуда хафа бўлардим, нега менга бошқа қаҳрамонларнинг ролини беришмаган деб ўйлардим». Натижада унинг карьераси аста-секин пасая бошлади.

Маколей Калкин, «Уйда ёлғиз» фильми

90 йилларда Маколей Калкиндан кўра машҳурроқ бола йўқ эди. «Уйда ёлғиз» фильми болакайни ҳақиқий юлдузга айлантирди. Аммо бу машҳурликнинг умри қисқа бўлди: 90 йилларнинг ўрталарида Калкиннинг ота-онаси ажралишди, шундан кейин у кино оламидан ғойиб бўлди. Кейинчалик у ҳақидаги янгиликлар фақат унинг кўриниши ва зарарли одатлари билан боғлиқ эди. Ҳозирда қирқ ёшга тўлаётган актёр нормал ҳаётга қайтишга муваффақ бўлди.

Тэйлор Лотнер, «Сумерки» фильми

Ёқимтой, мушакдор бўри бола бир зумда миллионлаб ўсмир қизларни севимлисига айланди ва Роберт Паттинсондан томошабинларнинг асосий эътиборини тортиб олди. Афсуски, кейинчалик актёрнинг келишган гавдаси ҳеч кимга керак бўлмай қолди, машҳур ролларни бошқа ўйнамади.

Руперт Гринт, «Гарри Поттер» фильми

«Гарри Поттер»даги малла соч — Руперт Гринт бу номни абадий олиб юришга маҳкумга ўхшайди. Сеҳргарлар олами ҳақидаги фильмлардан ташқари актёр юқори даражадаги роллар билан мақтана олмайди. Рупертнинг экрандаги дўстлари — Дениел Редклифф ва Эмма Уотсон эса ундан фарқли ўлароқ, ёш сеҳргарлар образидан узоқлашишга ҳаракат қилишади.

Холли Мери Комбс, «Сеҳрланганлар» сериали

Сериал 2006 йилнинг баҳорида тугаган бўлса-да, актриса ҳаётининг охиригача «Сеҳрланганлар»даги жодугар Пайпер бўлишга маҳкум. Йиллар давомида Комбснинг энг севимли иши мухлислари билан учрашувлари бўлиб қолди.