Иордания терма жамоаси B гуруҳида иккинчи ўринни эгаллаб, тарихида илк марта мундиал йўлланмасини қўлга киритди. Жамоа 9-турда Уммонни 3:0 ҳисобида мағлуб этиб, муддатидан аввал Жаҳон чемпионатига йўл олди.
Шу билан бирга, бу гуруҳда Жанубий Корея терма жамоаси ҳам пешқадам сифатида 2026 йил АҚШ, Мексика ва Канада майдонларида бўладиган Жаҳон чемпионати йўлланмасига эга чиқди. Айни пайт B гуруҳида Жанубий Корея 19 очко тўплаган бўлса, Иордания 16 очко билан иккинчи поғонани эгаллаб турибди.
Жаҳон чемпионатига йўл олган жамоалар рўйхати:
- АҚШ (мезбон)
- Мексика (мезбон)
- Канада (мезбон)
- Япония
- Янги Зеландия
- Эрон
- Аргентина
- Ўзбекистон
- Жанубий Корея
- Иордания
Эслатиб ўтамиз, Ўзбекистон терма жамоаси ҳам ўз тарихида илк марта Жаҳон чемпионатига чиқди. Темур Кападзе жамоаси 8-турда БАА билан 0:0 ҳисобида дуранг ўйнади ва бу “оқ бўрилар” учун 2026 йилда ўтказиладиган мундиал чиптасини кафолатлади.
Ўзбекистон сўнгги турни Тошкентда ўтказади. Улар 10 июнь куни бўладиган баҳсда Қатарни қабул қилади. Беллашув 18:45 да бошланади.
Изоҳ (0)