Ўзбекистон миллий терма жамоаси ўз тарихида илк бор Жаҳон чемпионати финал босқичига йўлланма олди. Темур Кападзе бошчилигидаги жамоа Абу-Даби шаҳрида Бирлашган Араб Амирликларига қарши баҳс олиб борди ва ўйин 0:0 ҳисобидаги дуранг билан якунланди. Ушбу натижа “оқ бўрилар”га мундиал йўлланмасини қўлга киритиш учун етарли бўлди.
“Дарё” нашрига яқин манбалар берган маълумотларга кўра, АҚШ, Мексика ва Канада мезбонлик қиладиган жаҳон чемпионатига йўлланма олган терма жамоа футболчиларига мукофот тариқасида BYD Champion русумидаги автомобиллар тақдим этилади.
Шунингдек, Ўзбекистон терма жамоаси аъзолари бугун, 6 июнь куни соат 16:00 да Ўзбекистонга қайтиб келиши режалаштирилган.
Эслатиб ўтамиз, футбол бўйича Жаҳон чемпионати 2026 йил 11 июнда 19 июлга қадар АҚШ, Мексика ва Канада майдонларида бўлиб ўтади.
Изоҳ (0)